古仔親解爆喊宣傳真相 抹汗被當拭淚

（星島日報報道）由古天樂主演及擔任總監製的電影《明日戰記》，成為第46屆香港國際電影節開幕電影，前晚古仔與姜皓文及導演吳炫輝到尖沙嘴出席電影節紅地氈儀式。有指古仔早前在宣傳時「感觸落淚」，他前晚解釋其實當時好熱又沒冷氣，如果哭泣就應該有片，他自稱是鋼鐵造，就算跌低都即刻起身。
古天樂早前離港16日到內地為電影做宣傳，提到他在活動上講到希望大家不要令他覺得自己是孤獨一個人，他說：「我話喺呢個（電影）路上，現時隔籬都企咗兩個人。」至於他曾表示入場看電影的人都是他老婆，古仔解釋因為當日在直播時，看到留言的人全部都叫他做老公，所以他才笑指每個入場的人都是他老婆。問到宣傳期間，是否因感觸而流下男兒淚？古仔坦言若自己真的喊，大家應該會看到影片，他笑說：「嗰日我行戲院，佢哋冇開冷氣，熱到呢！」
永遠有進步空間
古仔亦坦言感觸當然會有，因為這部電影花了10年時間，並不是一件容易的事：「我覺得最緊要大家去支持，第二就係作為一套科幻片，無論係點都好，就算好成功，返去都係會檢討，因為永遠都會有進步空間，咁樣先會做得更加好。基於呢個大前提，就算金錢多啲我覺得都應該，如果唔係我哋永遠學唔識呢件事。」古仔又希望大家可以觀看完電影後再給予評論。對於會為電影打多少分數，古仔表示不會為電影評分，因為他覺得好才會推出來：「但我都係補充一句，我覺得可以再好啲，但就需要每一次不停去學習，爭取到經驗先至會有進步。」
被圍集郵索簽名
對於獲得不少藝人在網上聲援新戲，古仔坦言覺得感動，在旁的姜皓文說：「一定需要支持，除咗係古生嘅心血之外，亦都係香港電影一個新嘅里程碑。」問到古仔是否滿意內地票房成績？他說：「我呢，就用鋼鐵造嘅，我唔會跌低嘅，就算跌低我都即刻起返身，大家放心！」古仔又謂現在會專心在香港做好所有宣傳活動。古仔在離開時，停下來為在場的fans簽名外，亦有與他們合照，表現相當親民，不過就因此被fans包圍搞到寸步難行。