《東張》女主持收「姦斬令」恐嚇 TVB急報警 陳庭欣絕不退縮 利穎怡學功夫自衞

2022-07-27 00:00
陳庭欣表示事件已交警方處理,所以唔方便多講。
陳庭欣表示事件已交警方處理,所以唔方便多講。

(星島日報報道)《東周刊》今期封面獨家報道TVB話題節目《東張西望》有女主持收到恐嚇信,表明會將她先姦後斬,《東張》女神人人自危。幾位《東張》女主持陳庭欣、李旻芳、利穎怡和王嘉慧昨日齊齊回應事件,她們即使擔心也會繼續盡力做節目!
對於人身安危受到威脅,《東張》女主持之一的陳庭欣昨表示:「《東張西望》係一個深入民心嘅節目,幫咗好多人,亦令市民知道好多真相。一直以來,幕後所有同事,同埋要出外景的同事,一定係最辛苦!以我所知事件已經交咗畀警方處理,所以都唔方便多講。其實我好多時都自己開車,車直接泊入公司停車場、好安全。我只可以話內部及管理層時常關心大家嘅安危,做任何採訪嘅時候,事先都會開會部署好。請大家放心,《東張西望》上下一心,唔會因為收到呢啲訊息就退縮,謝謝關心!」問到庭欣可曾收過類似恐嚇,她直言:「我自己曾經都有收過奇怪訊息,好似核突相呀,或者啲九唔搭八嘅字、八字算命等等,咩都有。」
黃耀英保護老婆
另一位女主持李旻芳否認收到「姦斬令」恐嚇,她稱:「訊息唔係我收到,詳情係點我都唔係好清楚,我都係睇報道先知道。始終《東張西望》呢個節目內容有好多唔同範疇報道,好多涉及民生嘅議題,多人睇自然多話題同評論。有好多時都會收到觀眾留言支持,但偶然的確會有好少數留言帶有攻擊性,雖然都會有啲擔心,但係都擔心唔嚟。相信只要憑良心做事,盡力做好,相信大部分觀眾都係理智嘅。」問到可會擔心人身安全?旻芳稱:「我自己平時唔返工都唔會周圍去嘅,所以出外採訪時惟有黐實班幕後同事,因為幕後團隊其實好照顧我哋,萬一有咩事佢哋一定會第一時間保護我哋前綫主持。」
李旻芳老公黃耀英則表示關於「姦斬令」一事要問太太,他直言相信任何人聽到此等消息都會提高警覺,而兩夫婦做同一個節目,社交圈子相同,有事一定會保護對方,他稱:「《東張西望》呢個節目,有時做咩類型嘅題材大家都知道,所以呢啲情況有可能避無可避。好彩我哋喺同一個節目工作,所以其實已經好多時都一齊返工放工、一齊食飯、一齊放狗。所以佢嘅朋友圈、同事圈同我嘅一模一樣,大家合作咗咁多年都非常相信對方嘅能力,有咩事一定會保護對方。不過大前提係希望不愉快嘅事情唔好發生啦。」
收恐嚇訊息「常客」
《東張》女神利穎怡向來為工作搏到盡,過往採訪時曾被人持刀指嚇,又曾被「老鼠屋」戶主襲擊。對於今次有女主持收「姦斬令」恐嚇,利穎怡表示剛從日本返港,昨晨看報道才知,坦言全家人也擔心,爸爸傳這新聞給她看,着她小心。她表示由日本返來後投入劇組,有時拍至凌晨四時許,難以叫人接送,會一個人回家,出入會小心,又說之前為拍攝去學功夫,可傍身自衞。
利穎怡更直言常收到恐嚇訊息,曾被受訪過的補習老師開直播闖入TVB找她兼咒她死,即被保安驅趕,又被「鬼王」在網上咒罵了幾年。對於因採訪而得罪人,她說沒辦法,惟有小心一點,坦言採訪敏感題材也會驚:「驚,但都會去做,事前心理質素要準備好。」
王嘉慧擬請保鏢
主持王嘉慧家境富裕,其父正為她聘保鏢。嘉慧知公司已報警,她認為節目做了多年,處理過很多社會關注的個案,具備經驗,會好好保護主持,並說:「拍攝時,攝製團隊好照顧我們,大家最緊要小心。大家做《東張》抱住使命感去幫更多人,不會因這些訊息影響工作,我們希望繼續進行拍攝工作,報道事實讓大家知道。」
TVB企業傳訊部昨回覆有關女主持遭恐嚇,指TVB得悉有關事件,由於事情牽涉員工人身安全,已立即報警並交由警方處理,TVB將全力配合警方調查,並指近日網上流傳針對《東張西望》的帖文,有關「人血饅頭」指控實屬虛假陳述,保留一切法律追究權利。

關鍵字

最新回應

相關新聞

熱門文章