陳山聰演易服癖情緒難抽離

（星島日報報道）TVB劇《十八年後的終極告白2.0》今晚（24日）大結局，日前播出一集爆出原來陳山聰飾演Jason有易服癖，山聰破格演出獲網友大讚，他在社交網留言感謝化妝師，更希望「冇嚇親大家」。事後山聰受訪，坦言今次全靠人生經驗揣摩角色：「演員係好奇怪，一化咗女妝就好似上咗身咁，冇刻意模仿任何人，係以我呢40幾年同女人接觸嘅經驗去演，女人嘅媚態已經入晒腦，我只不過係以第三身去表達。」山聰續指角色難度很大：「心理上喺嗰段時間抽離唔到，當時心裏面好混亂，角色嘅陰暗面其實好大，拍攝時長期處於極低落嘅情緒，但就係要有呢個情緒先可以跳出框框，冇底綫咁去演好呢個角色！」
此外，趙希洛為劇中赤腳逃亡大受考驗，她坦言第一大難度赤腳零保護拍攝跑步，第二大難度是挑戰環境惡劣的飛鵝山，寒冷大雨，草叢又多昆蟲，所以好驚。