何雁詩為BB努力執屋

（星島日報報道）陀B的何雁詩進入最後階段，她昨再晒新孕照，她之前已影過多輯孕照，今次終於有老公鄭俊弘現身，二人頭貼頭好甜蜜，她開心寫道：「呢輯相拍嘅時候好Warm，全日都好開心，Fred又出席到，大家又好照顧我！」她又表示希望他日BB睇到，都會感受到父母對他來臨的期待及愛。不少圈中好友包括蔡思貝、楊潮凱都以心心符號留言送上祝福。
她透露即將為BB搬新屋，更罕有親自執屋，坦言原來懷孕真會令一個女孩子變成女人，她表示：「我最近有一個好強烈嘅意欲將新屋清理得徹徹底底，處理好所有BB嘅物品，重要係，我以前真係唔會執屋！希望在BB到之前可以將屋企整理得乾乾淨淨，不過當然，我都會量力而為啦。」