七仙羽自爆家底：唔止十個物業

（星島日報報道）七仙羽（七師傅）偕同龐景峰、鍾雨璇、「口罩小姐」阿姨等徒弟出席首映，透露8月與徒弟們舉行舞台劇演唱會。問密密接工作是否賺取很多？七師傅自言之前都有錢，因向來有投資。對於有指她睇2,000萬元豪宅，她說：「2,000萬好少啫，乜嘢都唔夠，買樓唔夠、退休唔夠。錢對我嚟講好濕碎，因我唔志在。日後都會捐出去，派物資都每次起碼十萬元，還有捐贈予寺廟和孤兒院。」問是否已購入2,000萬豪宅？她說未算是筍盤，追問有否十個八個物業？她直說：「唔止，so what！咁多物業有咩用，住來住去都係一個地方；投資都係為做善事。」
林德信（Alex）特地捧導演黃真真場，自小認識對方，希望能有合作機會。Alex又說有份參演的電影《一樣的天空》快將上映，戲中有四個不同的故事，而他演出的故事將有四首歌推出，當中一首與米雪合唱，粵曲混合hip hop，很有新鮮感，大讚對方唱得很好。