黃劍文「打真軍」狂食六餐撐餐飲業

（星島日報報道）歌手黃劍文日前拍攝尋覓香港美食為主題的網片，為餐飲業復甦打氣，期間要品嘗新鮮南美海膽，少吃魚生的劍文面露難色，笑言：「因為我以前好少食海膽，慢慢配埋壽司飯都可以接受，今次要我一大嚿咁食入口，啲味濃到『漿』住個口講唔到嘢。經歷今次之後接受程度係高咗。」
今次拍攝要到訪多家餐廳，期間劍文「打真軍」食足六餐，更為工作人員加餸，非常開胃：「得罪講句呢……其實我係食極都唔肥，反而呢刻係想增磅，所以拍飲食節目真係難唔到我，不過我唔敢同人講，因為咁囂張怕俾人打。月底我會出新歌《人間飄浮》，有時都會靠暴飲暴食攞靈感，如果成績好而疫情又OK的話，我就請粉絲食餐勁！」節目中介紹紅酒，劍文自言易醉不敢開懷大喝，卻被KOL拍檔踢爆實情他是由朝飲到黑仍口齒伶俐。