炎明熹搵阿媽唱童謠助攻

（星島日報報道）炎明熹（Gigi）在最新一集的《聲生不息》與內地歌手劉惜君合唱《念親恩》，配以炎媽媽開場獻唱的童謠《月光光》，感動指數倍升。Gigi昨日接受無綫娛樂新聞台訪問時披露邀請媽媽獻聲因由：「《念親恩》係表達對父母思念嘅歌，我就諗媽咪細個係點𠱁我瞓覺嘅呢，佢係唱另一首童謠，普通話嚟嘅。媽咪話，我一聽到呢首歌就即刻會瞓着。（你親自邀請媽咪幫手？）係，媽咪為咗我去唱，所以非常之開心。」
Gigi續指媽媽錄完音後，工作人員原本為保神秘不讓Gigi知道，幸好最終改變主意。Gigi笑謂：「如果唔係，會喺現場喊出嚟！」Gigi透露還未正式演出前，已兩度灑淚，因錄影《念親恩》前，還未動身返家探望家人。