姜濤「重操故業」 拖地清潔一腳踢

2022-05-14 00:00
姜濤拿着地拖棍偷望邊個?
姜濤拿着地拖棍偷望邊個?

(星島日報報道)ViuTV新劇《季前賽》日前在屋邨內的連鎖快餐店取景,曾經在連鎖快餐店打工半年的姜濤,當日更「重操故業」充當店員,但見他拖地及清潔等一腳踢毫無難度,絕對駕輕就熟!劇集近日終於煞科,忙拍劇多月的姜濤亦隨即在社交網透露月底將飛到美國工作。
姜濤、梁業(肥仔)及葛綽瑤(Yoyo),早前為新劇《季前賽》在一家連鎖快餐店拍外景,為方便拍攝,當日快餐店索性暫停營業。
「炒」薯條熟手技工
現場所見姜濤穿上快餐店員的黑色制服,同場的肥仔則穿着灰色恤衫上衣,拍攝劇情講述姜濤正在快餐店內拖地,其後Yoyo到達店內;拍攝期間,姜濤拿着地拖拖地的模樣有板有眼,令人聯想到他出道前曾任職過快餐店,姜濤曾經透露自己在快餐店打工半年,又分享過一則拍攝趣事:「拍攝需要我『炒』薯條,快餐店的職員走過來打算教我,誰知我一埋位就識得開爐自己『炒』,我仲記得第二日放假,所以我食晒啲薯條,當時劇組人員都很surprise,因為我第一次在劇組裏吃東西,平日我拍攝時不會進食。」姜濤對自己嚴苛,是因為體重高峰曾達200磅所致。
由於拍攝當日天氣稍涼,不用埋位時,姜濤立刻披上外套保暖,坐在一旁的Yoyo則不時坐在一旁吃快餐店的食物,拍攝經驗較為豐富的姜濤和肥仔在拍完每一個鏡頭後,隨即和導演一起看playback,令旁邊的Yoyo也探頭一同觀看,看完playback後,肥仔在休息期間把握時間和經理人濟哥齊齊打機,兩人打機投入程度旁若無人,連「徒弟」姜濤坐在旁邊都察覺不到。
Yoyo請肥仔食檸檬
《季前賽》前後拍攝了大約五個月,劇組亦終於在本周三(11日)煞科,當日姜濤和肥仔穿着白色恤衫校服,現身黃埔公園拍煞科戲,同場還有穿着校服的Yoyo,當日拍攝一場肥仔和姜濤在Yoyo身邊經過的戲分,當肥仔向Yoyo示好遞上飲品時,卻遭到Yoyo拒絕,相反姜濤一出招,Yoyo即非常受落。這段劇情和姜濤透露曾經在中學年代送禮物給心儀女仔,最後卻慘遭拒絕的結果完全相反。完成煞科戲後,姜濤在社交網貼出三張身穿Deep V西裝褸的靚仔相,並預告將於5月尾出走美國,雖然未有透露此行目的,但不少姜糖都紛紛留言大喊:「唔捨得」,更搞笑叫他:「七月記住返嚟開演唱會」。

關鍵字

最新回應

相關新聞

熱門文章