MIRROR演唱會 售票系統冧檔激嬲鏡粉

（星島日報報道）MIRROR七月舉行10場首個紅館演唱會《MIRROR.WE.ARE LIVE CONCERT 2022》，早前由指定銀行優先訂票，不少鏡粉訴苦未能搶到飛，昨晨經指定虛擬銀行二度優先訂票，大批鏡粉在未夠鐘已開電腦準備，惟售票系統於開賣未幾即冧檔，大批鏡粉為之鼓譟，當系統修復後，鏡粉卻驚見訂票頁面顯示售罄，非常失望。
此外，姜濤今年3月曾在社交網留下美國國旗及飛機表情符號，姜糖揣測他為電影《阿媽有咗第二個》赴美出席芝加哥亞洲躍動電影節，但因疫情未能出發。昨日姜濤在社交網晒Deep V西裝褸look，再預告將於5月尾飛美國，但未透露此行目的，身處美國的姜糖期待成功捕獲。有姜糖則搞笑留言提他：「七月記住返嚟開演唱會」，彭秀慧叮囑他：「唔好食咁多漢堡包」。而羅志祥（小豬）近日在社交網開直播宣傳7月小巨蛋演唱會，姜濤都有捧偶像場，更留言表示想聽《不具名的陌生人》，但他將小豬的歌曲《不具名的悲傷》及《再見陌生人》混合為一，小豬亦應姜濤要求唱出《再見陌生人》。