Sammi獲封最高廣告額KOL

（星島日報報道）天后鄭秀文（Sammi）於廣告媒體監察公司「admangohk」統計數據，榮登2022年第一季度香港社交廣告擁有最高廣告額的KOL，而男團MIRROR包括姜濤共四位成員亦打入十大。
對於成為首席KOL，Sammi表示：「呢個報告嘅結果令我覺得好有趣，原來我作為歌手同演員，都可以同時『兼職』KOL呢個領域，而且絕對係可以做得到㗎喎！事實上我本身嘅個性同日常生活中，都非常愛『身體力行』去試不同嘅新產品和新地方，絕對係好奇寶寶。或者我從𠵱家開始，可以『斜棟』埋KOL。我相信我會做得好投入，因為試產品試新嘢然後推介畀人，我本身就好like㗎！」此外，Sammi日前推出在日本印製粉紅色膠碟《FAITH》，反應熱烈，一度斷貨，唱片公司現火速補貨。