「姜糖」以偶像名義助養6位小童

（星島日報報道）為迎接本月30日「姜濤誕」大日子，一眾姜糖（粉絲暱稱）正在進行連串生日應援活動，並響應偶像呼籲捐助慈善。「香港國際培幼會」社交專頁發文指有「姜糖」以姜濤的名義助養6位來自印度、孟加拉及緬甸的兒童，帖文提到：「姜濤喺音樂道路上努力不懈，力求創新，用作品說話。私底下姜濤係一位充滿愛心嘅年輕人，而姜濤嘅Fans亦紛紛以姜濤為榜樣，以愛回饋社會！因應姜濤呼籲，一位姜糖為慶祝姜濤23歲生日，以姜濤名義助養六位在發展中國家嘅孩子（為期一年）。呢位姜糖希望可以為孩子及其家庭帶來溫暖同曙光，以實際行動響應同支持偶像嘅意願！在此，國際培幼會感謝姜濤同呢位姜糖嘅愛心。希望無論係咪姜糖，社會人士都可以將愛心延續下去，讓更多孩子得到溫飽、教育同美好嘅將來，令世界變得更美好！」