《G風暴》再上映 宣萱被讚演技「升呢」

（星島日報報道）由古天樂、張智霖、宣萱、黃宗澤主演的電影《G風暴》，去年除夕上映6日後因戲院關門而停映，現於戲院重開下再度上映。張智霖相隔多年再與宣萱合作，他說：「同宣萱其實真係好似琴日同佢合作完咁，再合作我感覺上無太大分別，當然佢而家演技更加成熟，亦都見到佢喺現場好認真，希望每一句對白、每一個鏡頭都能夠做到最好，係好有實力嘅演員！」
宣萱就稱今次整個團隊大家都合作得非常開心，鏡頭後都會聊天、開玩笑，氣氛非常好。而飾演G4的陳庭欣亦相當落力，需要化上血妝赤腳在凹凸不平的地逃跑，不過事前她已黐膠布在腳底保護雙腳。