晚市恢復堂食 星級老闆望刺激消費欲

（星島日報報道）第五波疫情爆發，飲食業首當其衝，晚市堂食禁令維持了三個多月，政府宣布由今日起恢復晚市堂食終見曙光，一眾星級老闆黃宗澤、譚俊彥、林夏薇及黃美棋等回應本報時都表示十分期待，希望市民收到消費券，刺激消費意欲吃「豪」一點。
黃宗澤在尖沙嘴開設蠔吧餐廳，受第五波疫情影響已損失過百萬，但堅持不炒人、不減薪，他說：「同員工都好期待，之前停晚市入少咗貨，𠵱家會入番啲貨，入定多啲靚蠔、靚食材等啲客來吃，希望大家收到消費券，刺激到消費慾。」
經營西餐廳的譚俊彥說：「呢一波等咗好耐，熟客好好，開番晚市好多熟客預約，之前受疫情影響人事上有變動，餐廳有新廚師、有新Menu。最緊要做番熟客先，大家輕輕鬆鬆出番來食餐飯，𠵱家食餐飯好似好艱難，大家開心就好。」
林夏薇開設多間點心店，她說：「我哋主要做點心，唔係太多間有夜市，為配合晚市，最緊要唔好鬆懈，緊守做好防疫措施，晚市人流才會增加。至於消費券方面，相信會有幫助，會刺激到大家的消費意欲。」
至於開設台式餐廳的黃美棋說：「以前晚市一直有送糖水，而且經常會轉新Menu，現恢復晚市會提供更多優惠，消費券多少都有幫助，起碼會叫多兩碟小食。」