志偉自爆醉後豪派10幾萬

《講你都唔信》前晚（6日）播最後一集，「獎門人」曾志偉壓軸上陣，聯同C君、錢嘉樂組隊，決戰薛家燕、江美儀及阮兆祥。志偉自爆飲醉酒斷片事，透露自己最高紀錄試過斷片8小時，當日他出席洪金寶兒子天明的滿月宴，食完翅之後所有事一概記不起，隔日有人來電說：「志偉贏咁多錢，今晚請食飯啦！」他覺得奇怪便打開銀包看，笑言：「記得出去時袋咗4000蚊，一睇卻剩番400蚊！」之後他打電話問其他人發生何事，才知原來當晚自己賭贏十多萬，之後叫酒樓夥計分兩排派錢，還表示全場聽者有份，更去夜總會開兩間房狂叫酒，再去消夜食日本菜，一晚花光十幾萬，大家聽到嘩嘩聲。志偉又大爆被明星足球隊整蠱，被友人剝光豬兼以單包好放在酒店電梯口。