Edan先斬後奏出賣胞妹舊相

Edan（呂爵安）是圈中數一數二的「妹控」，經常不理會小如豬（妹妹暱稱）的感受，在社交平台展示與妹妹的合照。前日兒童節，Edan趁機會再度化身寵妹狂魔貼出小時候的兄妹合照，相中的Edan仍是小學生，戴着眼鏡的模樣斯文乖巧，而小如豬就貫徹的可愛。明顯「先貼後奏」的Edan戴定頭盔附圖留言：「兒童節為大家送上妹妹絕密可愛靚靚照，冇問過啊妹，唔知返去使唔使跪玻璃，Po舊相唔會唔畀啩，應該係我人生暫時最肥嘅時段」。
似乎Edan得到妹妹網開一面，相隔20個小時後，在限時動態「得戚」寫下：「唔使跪玻璃，yeah」！不過MIRROR隊友也看不過眼，Jeremy取笑Edan為「晒妹狂人」，Stanley就指「你唔好搞小如啦」，自封是「正印」的阮小儀識做的向「姑仔」賣口乖讚：「好靚女」！