梁競徽忠奸難辨網民嬲唔落

(星島日報報道)《飛虎3壯志英雄》本周進入結局周，前晚劇情講黃宗澤發現梁競徽是神秘組織成員，梁競徽臨陣念及兄弟情，化身人肉擋箭牌保護對方更自願被逮捕，最終兩人合作跳海逃走，黃宗澤仍堅持勸好友回頭是岸。
今次梁競徽將忠奸難定的角色演得相當到位，令網民對他「嬲唔落」，反而為其感到心痛，激讚他的演技。講到有不少動作場口，梁競徽大呻辛苦，「又要畀人吊起，又要逃走跳落海，記得嗰一晚係好凍，仲要喺山上面一間石屋度拍，凍到我飛起，佢哋話你舒服咗咁多集，呢一集辛苦少少就唔好呻啦！」