李施過三關錄《相愛萬年》

(星島日報報道)李施嬅為《金宵大廈2》獻出首支創作單曲《相愛萬年》，她表示是與表妹一齊寫，對她而言不止是一首情歌，亦代表劇中的情感和渴望，能成為其中一首插曲可以說是緣分，亦可說幾經波折。
施嬅表示：「一跟《金宵》有關，通常會有好多奇奇怪怪的事發生，呢隻歌都唔例外。第一次錄音，我突然失聲錄唔到；第二次錄音，錄音室樓上裝修所以錄唔到；第三次錄音，唱片監製Davy無端端入咗醫院，聽到都有啲心寒。好彩到第四次終於冇問題，講笑咁講，感覺上好似《金宵大廈》喺度試緊我哋嘅誠意，入門要過三關，但好感恩大家都好有心好堅持去做好呢隻歌。」