Dee打啤啤熊賀MV百萬點擊

（星島日報報道）組合ERROR推出新歌《愛情值日生》多天，前晚MV的網上點擊終破百萬，成員阿Dee（何啟華）在社交網貼出MV拍攝中與巨形熊公仔打架的短片，並開心分享MV破百萬點擊的心情，他指出，雖然今次MV去唔到「熱門第一位」，不過，能夠完成這個「集體創作」更重要，他說：「曾經有位前輩同我分享過『創作呢家嘢，你能夠呈現到你腦海裏嘅七成畫面，已經相當成功。』今次呢個作品，我覺得唔止七成，所以我喺度代表ERROR再一次多謝幕後每一位，嗰晚拍足廿幾粒鐘！辛苦了！江湖見！同路人！」
阿Dee又解釋為何要同啤啤熊打交，但最後又沒有收錄在MV內，他說：「只因整個MV結構，導演想玩得再癲啲，不過剪完出嚟好似唔太啱用，創作係咁㗎啦，試咗先囉，唔試唔知身體好吖嘛！」而MV中有謝安琪與張繼聰夫婦參與演出，所以張氏夫婦也先後送上恭賀。