何慈茵「全能公主」吸睛 陳瀅埋身肉搏嗌緊張

(星島日報報道)由苗僑偉、黃宗澤、吳卓羲、張兆輝、馬德鐘、陳豪、郭晉安等星級演員陣容主演的TVB新劇《飛虎3壯志英雄》於星期一（21日）首播，首兩集已晒冷飛車槍戰、爆破、埋身肉搏等連環刺激場面，當中女藝人何慈茵戲分重，開槍、近身格鬥、飛車樣樣精通，被網民封為「全能公主」，角色造型不是Bra Top就是貼身露腰裝亦備受網民關注。
現年31歲的何慈茵是中英混血星二代，爸爸何麥師承劉家良，精於洪拳，在八、九十年代拍過不少動作片，亦曾任電影武術指導。何慈茵五歲開始學洪拳，為劉家良徒孫，今次《飛虎3》是她第一部劇集，最近亦有參與《不可能任務》學習做龍虎武師亦表現亮眼。曾參與MMA格鬥比賽的她，於去年的《明星運動會前哨戰：Fight盡》中越級挑戰職業級拳手霍嘉怡，並在爸爸見證及鼓勵下贏得比賽，而且剛柔並重、熱愛鋼管舞，唔止「武」得頂，更是「舞」出色！
大騷人魚綫及腹肌
對於劇中性感造型引起關注度，何慈茵受訪時笑言：「劇組想我打得嚟有型之餘，又散發到多少少女人味，所以造型設計Sexy啲！我都真係近乎每套衫都露腰，所以有刻意做多啲運動同食得清啲，希望拍攝時見到人魚綫同腹肌！」
飾演O記高級督察的陳瀅拍攝與何慈茵埋身肉搏的場口，直言好緊張，她表示今次劇中打得最甘：「今次仲係第一次開槍，好興奮！另外好開心終於可以表現到跆拳道skill，其實我好細個時已經學過，但一直都冇機會show出嚟！」