太古城千呎海景回報43厘

（星島日報報道）香港近年樓價高企，雖則租金也同步上揚，但一般租屋者都係實際用家，並唔會係投資者，所以租金上升幅度都有個譜，不能與工資有大脫節。因此，我哋目前買樓收租，約莫都係兩厘左右。

不過，新近太古城（見圖）有個成交，竟然高近43厘回報。乜話？冇聽錯呀？據美聯營業經理范浩軒透露，太古城海天花園春櫻閣低層H室，面積1114方呎，為3房連套房及儲物房間隔，外享全海景，業主原先叫租4.5萬元，後減價11.1%，以月租4萬成交，呎租35.9元，較疫情前高位平約一成。

實情係若以現樓價計算，回報都係有限，但因業主於1990年以112萬購入上址，按呢個計算，租金回報率先係貼近43厘。