張致恆情人節做慈父冧老婆

(星島日報報道)張致恆（Steven）早前突然被老婆雯雯在社交網單方面宣布離婚，數日後他即「箍煲」成功，並宣布老婆正佗第三胎。兩公婆雨過天青，前日更一家四口齊齊慶祝情人節，雯雯在社交網晒老公和兩個囝囝齊扑情人節蛋糕，她留言表示簡簡單單度過情人節，見到家人開心就足夠。片中Steven捉實大仔的手扑蛋糕，雖然最終還是由他操槌，但大仔不時伸手想拖爸爸，場面溫馨。而Steven亦有轉發老婆為他拍攝的「慈父」短片，以愛的留言冧爆老婆：「結咗婚之後所有嘅節日都關兩個仔事，冇所謂啦佢哋開心咪得囉，情人節快樂！Ps：辛苦你啦老婆，第三個好快就出世㗎啦！love u.」