洪永城爆BB「奸妹」演技叻

（星島日報報道）洪永城（Tony）與太太梁諾妍（Inez）去年12月誕下愛女Amber，不時在社交網分享囡囡萌照，昨晚他上載了一條短片，片中個半月大的Amber在BB上眼仔碌碌，十分可愛，但當見到媽媽Inez時，即露出想哭的表情。原來Amber在撒嬌扭抱，當媽媽抱起她後，Amber立即變臉，並露出甜美的笑容，相當蠱惑，難怪洪永城表示︰「跟得媽咪多，奸妹，演戲咁叻，將來靠你。」Inez即笑應︰「喺肚裏面已經教緊佢戲。」姚子羚亦有留言：「似你喎」，黃翠如就大讚BB可愛。
而Inez亦於其社交網分享同一條短片，冧爆寫道：「個半月人仔咁好笑嘅，扭抱成功個樣真係𠱁到媽媽心都溶#洪永城扮女仔」洪永城笑指囡囡：「天生演員」。