大忙人姜濤Anson Lo新年踩通頂

（星島日報報道）姜濤和「教主」盧瀚霆（Anson Lo）同樣工作應接不暇，不約而同在社交網透露開工連踩超過24小時，教主收工不忘晒早餐，食過炒飯才睡，而姜濤就靠攬暖風機在捱通宵中取暖，笑言幸福得不需要女朋友。
姜濤拍新劇《季前賽》幾乎每天拍到凌晨，還要拍廣告、出新歌，他在社交網分享開工照片和短片，表示：「拍戲 廣告 拍戲 廣告，不用睡覺」。片中他披羽絨，一臉疲態攬着暖風機，冧爆稱：「好幸福，要咩女朋友呀你話？要呢個咪得囉，女朋友都比唔到呢啲溫暖！」有工作人員問姜濤多久未睡，他自爆：「30幾40個鐘」在旁有人回答：「後生仔捱得住」。不少「姜糖」怕偶像直踩40小時會體力不支會再次暈低，直指收買人命，提醒他要保重身體。
教主透露新戲好複雜
而Anson Lo日前拍新歌MV拍足25小時外，最近亦忙拍電影，幾乎每天日夜顛倒，昨晨他在社交網晒靚仔自拍，留言表示：「6:40AM迫自己唔好瞓着！」兩小時後再興奮舉V手勢表示：「子傑收工~8:45AM」最後晒一碟炒飯表示睡前吃「早餐」才去休息。
此外，Anson Lo接受星島多倫多A1中文電台訪問，首次透露新電影的題材：「係一套好複雜嘅電影，有懸疑、鬼魅、人性、感情，亦有人最真摯情感，我覺得好有趣。」他並稱預計今年上映。