譚嘉儀唱跳舞歌每日苦練兩個鐘

（星島日報報道）譚嘉儀作客TVB娛樂新聞台節目《StarTalk》，大談一改歌路推出跳舞歌曲《Eyes On Me》及推出首張新曲加精選專輯的感受。嘉儀直言沒有跳舞底子，她說：「我只係喺出面學過幾堂，為咗呢首歌日日返屋企練習，鋪張瑜伽墊對住塊鏡去跳舞，每晚兩個鐘頭，先至慢慢改善，執返自己啲動作。」今次錄音更令她感到吃力：「平時唱慢歌多，第一日錄音覺得自己好似唱兒歌咁，多謝監製陳考威同我諗咗個方法，就係扮唱韓文歌或者唔知咩文嘅歌，攞咗個氣氛後，先變返廣東話，之後真係好咗好多！」

入行至今第十個年頭，嘉儀特別多謝家人的支持，談到疫情令首個音樂會延期，她說：「要延期總有啲失望，但希望疫情快啲過，正面啲諗，依家變相多咗時間去準備，希望遲啲再搞嘅時候，會有更精采嘅演出俾大家！」