洪永城餵囡囡飲奶 似模似樣

（星島日報報道）洪永城與老婆梁諾妍上月底榮升做爸媽，為了照顧妻女，洪永城更放假陪產兼當「夜間餵奶員」，幫手照顧愛女Amber。

前晚他在社交網貼上自己的餵奶相和囡囡的大頭近照，相中見他餵奶手勢似模似樣，絕對是個稱職爸爸，他留言：「乖乖，食多啲食多啲，咁你就可以瞓覺好㗎啦，你瞓得好我又瞓得好，大家開心啦Amber。唔好咁樣望住我，我都係為你好。嗱，噚晚一次過瞓三粒鐘，今次試吓四個鐘得唔得先？」而相中的Amber大皺眉頭，一副嬲爆爆的表情似有不滿，非常搞笑。老友黃翠如留言：「這個表情，好幻想到將來你同你個女嘅相處。」洪永城回應指好期待一個美滿好玩的家庭，又問她何時來探BB。