炎明熹初演戲幸得黑仔煒哥教路

（星島日報報道）TVB「聲夢」學員主演青春劇《青春本我》於周日播第三集，劇情重點落在炎明熹（Gigi），講到她因父母婚姻出現問題而失眠沒胃口，更因耳機被同學弄壞，終按捺不住爆seed。

在預告片中，平時陰聲細氣的Gigi雙眼通紅放大喉嚨鬧爆同學，演戲新丁Gigi投入該場戲演出，她坦言相關場口的挑戰性很大，自爆：「因為我平時好少發脾氣。」對於Gigi難得發火，一眾「聲夢」學員也大表震驚，被她嚇親並紛紛表示：「因為平時真係冇見過佢咁樣，嗰一幕我哋都唔敢同Gigi對望。」

此外，Gigi又感激劇中飾演她的父母的姜皓文（黑仔）及陳煒（煒哥）對她貼心照顧：「佢哋真係好照顧我，如果我犯錯佢哋唔會即刻話我，但會諗辦法慢慢引導番我。」