曾麗文自稱曾是「深黃」 矢言對抗「地產霸權」

(星島日報報道)新界北唯一的「非建制」候選人曾麗文曾為社民連成員，其後曾出任人民力量秘書長，參選過美孚區議員，亦曾參選一八年的立法會九龍西地方選區補選，最後均告落敗。問及今次再度參選的原因，她首句便說：「我全家曾經都係深黃，經過二十年，我係好清楚地產霸權的遺禍。」她指知道新界北要發展北部都會區，提出建設創科城，憂慮會成為另一個數碼港，最終變成地產及豪宅項目，「所以我要出來，為土地正義、公義的事情，去對抗建制派及地產派！」
憂慮創科城又變數碼港

曾麗文質疑地產商及既得利益者，早於新界北囤地「等發達」：「香港年年都話要搵地，有錢嘅大財團年年都賺大錢；窮人就愈住愈細，住到得返一百五十呎，甚至劏房租金比半山的豪宅更加貴。呢個事實仲唔係證明香港成個土地或房屋政策都係失敗咩？都係傾斜大財團咩？」早年成立「美孚苦主聯盟」反映屋苑維修問題的她指，立法會中必須要有一個沒有負擔的人，亦曾經是「地產霸權」下的苦主監察北部都會區的規劃過程，「從中我先知道，邊個環節係香港人被出賣！」

曾麗文指，自己的政治想法是保護邊境，安頓香港人民，稱兩地融合要先做到文化互通，才開放地緣，包括雙方價值觀要較相似。她又指，自己的優勢是「講人話」，「我曾經俾大嘅民主派出賣，我知道果種痛，所以我唔會呃人！唔會騙民主派人士。而建制派方面，我係想佢做一個好嘅建制派。我係希望如果入到去，我可以幫佢地去建立一個信任，俾人民睇到希望，唔好去做一個壞的決定，或同自己人護短……要忠於自己、忠於香港市民，唔好做盲撐嘅廢物！」

她並質疑其中一名候選人張欣宇獲財團推薦，指這是選舉最差的示範，「呢個可能係我哋作為呢個世代嘅香港人，最後一次發聲機會，所以我會珍惜。錯過今次，以後為香港發言的，就將會是大資本家、財主請的「港漂」，或是一堆所謂擁有專業資格的忠誠廢物。香港需要的不是隨波逐流的人。」