袁富華自認百厭過阿Dee

(星島日報報道)袁富華、何啟華（阿Dee）、魯文傑等昨日出席舞台劇《戰將無雙》記者會，戲中飾演廉頗的袁富華與飾演藺相如的阿Dee上演負荊請罪的經典故事，並以時裝Look演繹。

兩年未演舞台劇的阿Dee，表示今次初嘗演繹古裝人物，但卻以時裝Look演出，相信要有實力才會演得好睇，他說：「我本住條命嚟學嘢，覺得自己好唔夠，因近年做影視工作，係完全兩種感覺，但在舞台上一氣呵成演出，非常期待。」

袁富華對於要騷肌演出，笑言並非Hehe情，是演繹一段兄弟情，展現男男之間的浪漫。在旁的阿Dee即搞笑謂：「唔係《叔叔無雙》！」談到阿Dee經常爆肚搞笑，袁富華說：「我仲搞笑過佢！在台上我百厭過佢。」阿Dee自認是失控搞笑，反而袁富華是掌握之中的搞笑。