汪阿姐獲獎嗌感動

（星島日報報道）昨日TVB頒獎禮結束後，傳媒要求志偉拍照時，他大方企定定拍照，其後即急急腳離開，並以開會為由、沒接受訪問。為TVB服務50年的汪明荃獲頒獎項時，在場人士起立大叫「阿姐」，她坦言好感動，200多位同事為公司服務了10年以上，覺得好多人都喜歡這份工，頒獎給員工是鼓勵，她說：「我同TVB好夾，係畀到我發揮嘅地方，佢亦需要我呢個落力嘅員工，我都鍾意自己性格努力、勤奮、創新，做呢行要捱得、忍得，守住崗位。」但她暫不考慮再拍劇。

張振朗也為TVB服務了10年，他笑言不經不覺入行10年、過得好快，好開心選擇做演員，這10年在觀眾陪伴下見證他不同的成長階段。談到與譚俊彥均有份角逐視帝，振朗希望大家都好，笑謂兩人是情侶，亦替對方開心：「有日同佢講，原來拍《包青天再起風雲》已是五年前，當時拍得好辛苦，我哋都話如去到最後五強已好開心。」

入行10年，振朗坦言視帝並非主要目標，反而盡力演每個角色，獲獎當然開心，獎項隨緣。談到當年扮張智霖，可想將來有人扮他？振朗說：「係都幾好，都係一個特別時刻，但我驚無得撈。」