家樂偶遇發哥：開心過中六合彩

(星島日報報道)陳家樂在社交網開心分享與「發哥」周潤發的合照，表示自己電話花了、影到好朦朧，要動用發哥的手機自拍，還興奮稱開心過中六合彩：「Omg！頭先偷食燒鵝嘅時候！後面突然有一班行山客叫嘢食，突然佢地問：發哥想食咩？聽完之後，我個腦即刻高速運轉！行山*發哥 行山*發哥 行山*發哥 我計算到，佢係賭神發哥嘅機會率一定大過同花順！我諗都唔諗，轉頭一望！果然！係偶像發哥，入行咁耐！我終於可以見到發哥啦！我即刻膽粗粗問發哥可唔可以影相，影完之後，佢仲見我鏡頭花咗，影到矇查查，再用佢電話同我影，再send返畀我，太貼心啦！！ 」

入行18年終於成功與偶像同框，難怪家樂會話開心過中六合彩。好友黃建東也留言：「羨慕到流血」，楊潮凱則笑指他的手機：「真係好濛喎」。