梁祖堯被鬧偏私 發長文自辯

(星島日報報道)ViuTV選秀節目《全民造星IV》日前已誕生60強，導師許廷鏗與梁祖堯在「復活區」選出12位參賽者晉級，但遭不少網民鬧爆，矛頭更直指梁祖堯偏心方方及阿Ling。

梁祖堯在社交網貼相及發長文回應：「必須要講句公道說話，你有權話阿Ling年紀大，有權覺得佢唔係女團人選，但係當晚佢嘅壓台感實在比其他參賽者優勝。復活方方，同樣因為舞台實力。名額有限，我哋都非常之無奈，而呢一種無奈，喺呢三個月內都不停會重複出現，始終比賽就係一個比賽，就係每次都要有人被淘汰。」他又指觀眾反應如此激烈，證明節目成功。