Joey Tang搏老命台邊彈結他

(星島日報報道)「Arrival Departure」夏韶聲 x Joey Tang Live 2021前晚圓滿舉行尾場，鄧建明(Joey)負傷上陣亦無礙發揮多次結他Solo，又與夏韶聲(Danny Summer)「Battle」對彈！Joey亦無懼在首場墮台的陰影，坐在台邊彈結他。尾場亦有不少驚喜，雷有輝趕到現場上台撐兄弟，Danny應樂隊的鼓手要求，臨時加插《空凳》一曲懷緬對方的亡父。

Joey多謝眾好友問候，他笑言在尾場「搏老命」演出，並報平安：「跌完隻手指係黑色，今(前)日變咗紫色，叫做有好轉！但嚟緊有好多演出工作，冇時間比隻手去唞，但今(前)晚坐滿晒觀眾，實在太High唔會留力，所以玩到好盡興！我同Danny哥講如果佢開個人騷，記得留番個Band Leader比我撈吓，希望到時大家唔使戴口罩入場，大家都健康。」