王祖藍大讚老婆100分

（星島日報報道）由李思捷主持及監製的TVB遊戲節目《思家大戰》，今集請來好友兼拍檔王祖藍及阮兆祥齊齊帶隊撐場，祖藍的隊員有太太李亞男、關心妍、韓馬利及鄺文珣，而祥仔則帶領隊員朱菁、馮天欣、樂樂及黎榮業出戰。今次難得「福祿壽」合體，有不少題目均是「度身訂造」。當王祖藍被問到是否習慣首席創意官身分，他說：「我好習慣呀！禮拜六、日都真係唔返工㗎喎呢度。」不過思捷再追問說：「問咗100個人，你身家有幾位數？最多人答嘅係…」王祖藍口快快講出一個超級天文數字出來，思捷即提醒說：「唔係問你呀，王祖藍！」最爆笑是李思捷提到李亞男表現強差人意時，王祖藍趁機讚老婆說：「佢攞幾多分我唔知，我老婆本身係100分嘅！」