伍姑娘激讚林德信筍盤

(星島日報報道)伍詠薇、林德信及周汶錡等為節目《男神廚房》錄影，伍姑娘指林德信不但是瑜伽老師，還識煮嘢食及好溫柔，她跟周汶錡都說林德信不得了，一定有好多女粉絲，絕對是筍盤，要重新認識他。問伍姑娘品菜之餘有沒有品仔？她笑笑口說︰「當然有。（是否需要用氧氣筒？）不需要，吸氧氣筒只是節目的效果，去了另一個層次，我有家室的！」伍姑娘指男神煮得好認真，不過她沒有幫手，因為她不識，早年她為《美女廚房》任嘉賓時被封「地獄廚神」，笑言打入地獄，是地獄中的地獄，今次看男神煮嘢食兼傾近況，食得開心、玩得開心。伍姑娘又說靚仔一定會加分，如果被靚仔踩親也不會鬧對方，相反若不靚仔會粗口駡對方。

林德信就表示平時大家在工作中認識他，今次則是看他煮嘢食、好難得，他在節目中炮製鹹魚白菜及慢煮三文魚，雖然是自己的拿手菜，但在眾人面前煮都會有壓力。至於平日可有下廚o氹女仔？林德信笑言比較少，自覺廚藝不夠叻，但試過煮7至8人餸菜、覺得好辛苦，以燒烤形式就比較好。