李靜儀承認與隊友少機會見面

(星島日報報道)Super Girls成員李靜儀（Heidi）出席活動，坦言因疫情關係已兩年沒去日本旅行，但開拓行山及「踩roller」興趣，不過香港好少室內Roller場，曾想過自己開一間，有朋友最近開了一間，她笑言有意入股、可以一世免費玩。

提到隊長趙慧珊（Aka）於ViuTV節目《晚吹-有酒今晚吹》飲多兩杯，表示好掛住以前五個女仔一齊的時光，Heidi亦表示懷念，不過一個人工作亦有開心之處，現在大家各有各忙少見面，就連約Aka到家中玩都講了四年才去到。至於她和陳穎欣（Yanny）當年為爭御用音樂監製陳考威而鬧不和，令Aka好自責，Heidi說：「Aka係隊長，如果有乜問題會擺響自己度，有乜事就承擔。（跟Yanny和好？）嘈完就冇嘢啦！o依家真係少機會見到，大家喺手機群組都會聯絡。」