阿Dee：幫我搵個接班人

(星島日報報道)何啟華（Dee@ERROR）在《花姐ERROR遊》中慘被「辣到入廠」，ViuTV以此為題開拍新節目《辣王傳》，夥拍「ViuTV第二辣后」練美娟（娟姐），阿Dee笑言被辣到靈魂出竅！

二人為《辣王傳》走訪全港品嘗最辣食物，辣度已超出阿Dee的想像力，詞窮的地步僅能以「辣」及「好辣」來形容，但面容扭曲的超豐富表情卻吸引不少觀眾追睇！對於觀眾今次形容他「又玩命」，阿Dee笑言：「係呀，身體上係最辛苦，但最辛苦不是放入口，是如何排出體外最辛苦！當時又同時做幾個工作，身體負荷好大。（觀眾愛睇你受苦？）我真係認命，今次仲要有孤身作戰的感覺，希望今次節目之後可以幫我搵個接班人！」阿Dee在ERROR中號稱最食得辣，因此自信以「辣王」自居，但今次是他首個拒絕開續集的節目，笑言：「如果要節目效果應該找吳保錡，他應該是最食不到辣，或者開節目鬥食辣，最厲害的人可以加人工我先會參加。」

而娟姐的嗜辣程度號稱第二無人敢認第一，今次難得寓興趣於工作，但她直言也被東風螺辣倒，更笑說：「我覺得自己仲有優點是膽大，勁辣熊仔糖無人敢食，我吞了後靜了十分鐘，辣到我之前割了的息肉都生番出來！」阿Dee則指勁辣薯片最可怕，他生動形容：「果陣辣勁有陣臭味，令我想起辣到入廠（入院）那次，好多唔開心回憶返晒來！（娟姐都被辣到的食物你點應付？）我拍這個節目時只得半個靈魂，好多時候都被食物勾走了另外半個！」

提到節目組專攻阿Dee要害，可還有其他弱點？他笑言要講反話說：「我講出來又會狙擊我啦！專攻我要害，我最怕要做多啲戲囉，做戲始終是我終極目標！」娟姐則笑言：「我最怕是無得食嘢，所以唔好放我係荒島，但我對呢類節目又有興趣，最好可以安排大隻仔同我一齊求生啦！」會否覺得做娛樂圈好「辣」（辛苦難捱）？阿Dee直認有「辣」：「我都鍾意食辣，但不鍾意去挑戰。做娛樂圈辛苦不緊要，因為自己好享受，好多事都有滿足感。」娟姐笑言做娛樂圈聽聞過很多很「辣」的事，但她覺得自己好幸運都未有發生在自己身上，笑說：「今次與阿Dee合作最幸運，因為他辣到講不到話，畀晒時間我講話及表現，我要封利是多謝他！」