馬明嘉穎孭飛台慶劇 變星際使者o氹細路

（星島日報報道）無線台慶劇陣容早前曝光，除了由譚俊彥與鄧佩儀主演的《換命真相》，另一線劇集《星空下的仁醫》亦正式宣布將於10月18日首播，主演包括馬國明、鄭嘉穎、鍾嘉欣、周家怡、羅子溢、陳自瑤、何依婷及張寶兒等，陣容相當強勁。為配合宣傳攻勢，《星》劇更公開了首段宣傳片，以動漫風格融入真人實境拍攝，兩位男主角馬國明與鄭嘉穎披上白袍現身，未播出已令觀眾們期待！

馬國明去年憑《白色強人》的型爆醫生形象深入民心，搶攻不少收視，今次再為台慶劇《星空下的仁醫》孭飛，與鄭嘉穎拍檔問鼎視帝，在《星》劇預告片中，二人變身動漫故事中的「星際使者」，身穿醫生袍推門而入，為手術台上的小朋友打氣，共同擊敗病魔、創造奇迹。嘉穎和馬明出場時同樣有型有款，而嘉穎更特別戴上「七彩小熊帽」，o氹小朋友時又異常投入，與型格造型對比強烈，成為短片的焦點之一。而宣傳片中亦借此創作彩蛋，當馬明講到：「話我哋勁過超人，會唔會誇張咗啲？」此時身為兩子之父的嘉穎即回答謂：「小朋友係要o氹嘅，第日做咗老竇你就明架喇！」

兩位男主角談到今次拍攝《星》劇的難忘事，馬明笑指拍攝手術室戲分不簡單，他說：「手術室嘅戲真係要用好多時間拍攝，時間長過拍打戲，因為要好細緻每個Step都拍晒，亦有醫生監場，每個手勢同Step都唔錯得。」兩人又大讚拍攝宣傳片的小演員好乖巧。

今次是他們繼《鐵馬尋橋》後相隔11年再合作，「鐵馬家族」再度聯手上陣，馬明笑言很開心：「同識咗好耐嘅朋友拍，個默契好快會返晒嚟。」嘉穎則笑說：「佢講咗好耐我哋班演員有冇緣分再拍番一套。（咁拍咩？）拍喜劇啦，開心啲，又唔使咁辛苦。」