糖妹得葉珮雯指點變有型

(星島日報報道)糖妹近期忙到爆，主持音樂節目同時拍攝兩部電視劇，最近她在《勁歌金曲》的主持形象愈來愈有型，全賴Eric Kwok太太葉珮雯（Grace）親自操刀。糖妹感激對方仗義幫忙：「Grace覺得可以幫輕吓我形象方面，等我可以快啲有新面貌，靚啲有型啲去見觀眾。其實Grace無論喺造型上定生活上都好關心我，係個好好嘅姐姐，今年認識Eric兩公婆係好好嘅緣分。Grace喺造型上好有功力，知我適合啲咩，可以畀咩我着令我靚啲，亦幫我認清自己邊啲優點可以show出來，邊啲缺點可以收起來，令我叮一聲發現自己喺造型上原來仲有咁多可能性。」

Grace則說：「造型上幫佢邊試邊玩啦，無乜壓力。我同糖妹係朋友，溝通上易好多。都幾得意嘅，我會攞我啲私伙首飾畀佢襯吓，我真係有好多『朱義盛』，所以唔使吓吓要買，攞我嗰啲畀佢拼搭吓衫係幾好玩。」