ANSONBEAN女友視角拍MV冧爆粉絲

(星島日報報道)ANSONBEAN第二首主打歌《you made my day》登場，MV一改傳統情歌拍攝手法，MV裏並沒有女主角，雖然可以令怕醜仔鬆一口氣，但卻要面對另一個難題。「MV拍了兩日，係講我帶住女朋友去勻好多唔同嘅拍拖勝地，但個MV冇女主角，係用女友視覺去拍攝，我要幻想身邊有一個人，再做啲好Sweet好開心的表情，拖手鏡頭都要借女工作人員隻手去拍攝，有啲難度！」

ANSONBEAN希望將這首冧女情歌送給fans「豆粉」：「我的fanclub成立一周年，希望將這首歌送給過去一年一直支持我的『豆粉』。」MV中ANSONBEAN更要穿上緊身背心大騷健碩身型，加上「女友視覺」的冧女動作，相信一班「豆粉」必定好滿足。