王智騫為新劇操肌操到嘔

(星島日報報道)以游泳為主題青春劇《i.SWIM》演員名單相繼曝光，繼Edan（呂爵安）、Stanley（邱士縉）及新晉男神Jeffrey（魏浚笙）落實演出後，曾參演電影《熱血合唱團》的24歲男星王智騫（Martin）亦宣布參演，他積極操肌迎合角色，由「潺仔」變六舊腹肌男。

Martin自言向來不太愛運動，今次為角色特別花兩個月操肌，他謂：「今次角色要有少少線條，游水訓練時見到其他演員都好fit，感覺上有啲對比，我唔想拖垮人哋，所以嗱嗱聲跑去做gym，每星期操三至四日，主要操胸、膊及腹，再配合飲食，少糖少油，主要食雞胸、西蘭花、三文魚，低卡低脂。」自嘲沒運動天分的他又指初開始做gym時，熱身完再去做機有暈和作嘔，但在教練催逼下都撐下去，終有些成績。