鍾培生預告折磨林作 諗定瘋狂慶功

2021-09-16 00:00
Kathy與Ollie到鍾培生家中的擂台切磋。
Kathy與Ollie到鍾培生家中的擂台切磋。

  (星島日報報道)今年三月,鍾培生出價100萬元酬金向林作挑機,兩人口水戰足半年,《培生擂台:無敵盃We are Champs》在後天星期六晚舉行!百萬擂台之戰共有五場賽事,其中《造美人》Kathy仔和《口罩小姐》Ollie都獲邀出賽,早前兩女在鍾培生設有擂台的家中切磋,原本老友鬼鬼的兩人甫上台即出力互揪,搏到盡!

  被封「抽水王」的林作今年年初因為在「富三代」鍾培生(Derek)的YouTube頻道中「挑機」,留言「抄我100萬?」辣㷫對方,兩人之後連番網上口水戰,最後鍾培生不忿林作所言,決定開盤100萬元要求林作和他上擂台對打,愛出風頭的林作當然「未驚過」,還積極搵教練進行特訓!

  鍾培生直言自己贏面大,不過拳賽當日會慢慢折磨對方,他更計畫定怎樣慶功。鍾培生:「慶唔慶功宴,我覺得要首先Focus返個拳賽,打贏咗之後先再決定,我唯一要做就係要專注,搞好場show,同埋打好呢場拳賽,點樣慶祝呢就係瘋狂咁飲酒同飲汽水,我都好耐冇飲過,因為我好耐冇飲酒同汽水!」

  「林鍾一戰」雖已夠晒綽頭,但鍾培生仍邀請張致恒(Steven)和YouTuber Jason(大J)對打,鍾培生直言想畀機會張致恒讓大家重新認識他。鍾培生:「其實人誰無過?佢又唔係做咗啲死罪嘅嘢,佢都係養屋企、養佢嘅小朋友,證明返一次佢係一個男人,幾勵志!我都同佢講今次邀請佢唔係想做佢新聞,我只係想香港人再一次信任你,我希望Steven都冇呃我,會努力操!」鍾培生亦給予比市價高的出場費給張致恒:「出場費都唔少,佢都需要養家,我可以講今次所有拳手嘅費用係比市場價高出好多,因為想大家雙贏,酬金都一定比市場價高!只係想大家一心一意搞好場show,可以證明俾人睇香港人都可以做到一個國際嘅盛事。」

  《造美人》的Kathy仔與《口罩小姐》的Ollie,今次獲邀請在擂台鬥一番,早前兩人親臨鍾培生屋企切磋,Ollie投訴Kathy仔經常出口術:「我哋都想打大家好耐,不過我哋平時係分開練習,會比較集中!不過我知道Kathy係一個出口術好奸詐嘅女仔!佢會扮晒嘢話唔好打頭、好驚呀,跟住趁我唔為意就一嘢好大力打我!」面對Ollie的踢爆,Kathy仔:「係呀!認住我!」

  

「林鍾一戰」後天開打。
「林鍾一戰」後天開打。

Kathy仔(左)與Ollie未開打先有牙骱戰。
Kathy仔(左)與Ollie未開打先有牙骱戰。

關鍵字

最新回應

相關新聞

熱門文章