Anson Lo背心晒苦練麒麟臂

(星島日報報道)有「教主」之稱的盧瀚霆Anson Lo，為拍新歌MV不惜地獄式操肌，分兩日拍攝，早前先以一身白色王子造型現身西貢拍外景，着住背心大晒麒麟臂，除了跳唱元素，教主今次更有多位嘉賓助陣，當中包括曾經合作過的「重量級」女藝人！

Anson Lo盧瀚霆7月推出的新歌《不可愛教主》衝破600萬點擊率，最近他繼續籌備新歌《Mega Hits》，他先在社交平台透露拍MV，見他百忙之中仍然抽時間到健身室做GYM操肌，原來就是為拍MV做足事前工夫，務求以最佳狀態示人！

早前Anson Lo就現身西貢拍攝外景，着住白色背心加白色長褲，教主化身「白馬王子」上陣好Sharp醒，相信最令人眼前一亮的是拍攝當日他穿着白色背心時大晒麒麟臂，當日下午團隊先在酒店小教堂拍攝，拍攝前Anson Lo把握時間和Dancers排練，一Roll機立即上身勁歌熱舞 ，之後轉移戶外拍攝，拍攝團隊出動吊臂機拍攝，絕對大製作！早前他在社交平台限時動態透露：「MV開會完畢，累，但一起合力confirm到整件事的製作，安心多了，辛苦大家~」

Anson Lo親力親為參與製作過程，又不忘感激團隊，的確有心！知情者透露：「今次MV呢個計畫雖然好趕急，不過團隊都落力喺最短時間做到最好，原本一日拍晒，但係因為想畫面上再豐富啲，所以就決定分兩日拍攝，多啲唔同嘅場口，花姐同Anson Lo都俾咗好多意見，希望比之前的跳唱歌曲增加突破，所以MV會有Story line，有幾個嘉賓參與，仲搵咗個曾經合作嘅『重量級』女藝人合作，對方仲多次自認係『鏡粉』𠻹！ 」