姜濤與Jer兩兄弟玩手指減壓

(星島日報報道)姜濤最近和影后毛舜筠（毛姐）合作拍攝由彭秀慧導執導的英皇電影《K風暴》（暫名），開拍前秘密揀蟀經過多次試鏡，MIRROR成員柳應廷（Jer）成功獲得角色！電影原本設定姜濤和毛舜筠做母子，不過劇本經修改後，Jer在電影處男演出中，做毛舜筠兒子，姜濤就繼續做「萬人迷」！早前毛舜筠、姜濤、Jer現身金鐘同場拍外景，首次拍電影的姜濤和Jer互相照應，兩兄弟做大家「定心丸」！

男團成員柳應廷（Jer）唱歌實力觀眾有目共睹，最近他終於有機會初登大銀幕。由彭秀慧執導，英皇電影投資的電影《K風暴》，Jer經過多次試鏡後，成功撼低Jeffrey奪得角色。

Jer有幸跟隊友姜濤齊齊獻出銀幕第一次，早前Jer接受傳媒訪問直言好感恩：「我記得當花姐（經理人黃慧君）跟我說：『Jer，你試鏡成功了！』我開心到唔識畀反應，始終這是人生第一次參與電影演出，過往甚少這方面經驗，希望可以給大家看到最好的表現！我一直集中音樂發展，但都會突破自己，在MV裏面都會演戲，但沒有對白，去到電影是另一個層次，不但要講對白，還有身體語言，所以幾擔心自己演出，好彩我鍾意演戲，之前去過戲劇班上課，當跳進一個角色裏，演繹不是Jer的狀態，是一個幾得意的挑戰！」

據知今次新戲彭秀慧以花姐作為藍本，以經理人的工作為主軸，毛姐飾演經理人一角，因為將時間投放在旗下藝人身上而忽略與兒子的相處，導致母子關係出現問題。原本盛傳姜濤飾演毛舜筠的兒子，不過為求完美，彭秀慧和團隊最後將劇本修改。知情者透露：「最後劇本改咗Jer喺戲入邊會同毛舜筠做母子，都幾有發揮，會成日因為不滿媽咪冷落自己而嘈交，姜濤就做明星，同現實嘅自己一樣由冇人識，最後做咗萬人迷，佢哋三個一齊嘅對手戲都好多！今次除咗有好多新進演員演出，仲會有一個重量級男歌手客串添！」

電影拍攝如火如荼，早前（8月28日）凌晨時分，毛舜筠、姜濤、Jer齊齊現身金鐘酒店門外拍外景，當日劇組安排了不少臨時演員飾演姜濤粉絲，一roll機，臨時演員個個上晒身化身「姜糖」追住姜濤上保母車，毛姐和Jer在旁護航，最後毛姐做埋司機飛車走人！與前輩毛姐合作拍攝，姜濤和Jer都特別緊張，每拍完一個鏡頭，都會睇playback！休息期間，姜濤和Jer兩兄弟都情不自禁互相調戲對方，姜濤更撩Jer玩手指鬥力遊戲減壓兼解悶。貫徹玩得就要贏的姜濤，出力玩到Jer嗌痛，十足大細路，場面搞笑！

此外，姜濤早前偷拍毛姐在片場的睡相，毛姐揚言會反擊，果然講得出、做得到，前晚終於公開姜濤坐在沙發小睡的短片，姜濤用手托面攬咕o臣補眠，毛姐還讚他沒流口水：「休息真的很重要，終於等到，冇流口水已經好叻，冇瞓到反白眼，瞓着都仲係靚仔。」