阿佘鍾情熟男 抗拒姊弟戀

(星島日報報道)佘詩曼（阿佘）最近密密做運動keep fit，不時在社交網分享fit爆「佘腰」，狀態完美兼如沐春風。而近日阿佘就以最佳狀態夥俄籍網紅「俄仔」Ansheles拍攝，雖有年齡差亦毫無違和感，不過阿佘就自爆更鍾情熟男。

阿佘早前為所代言的護膚品拍攝新一輯廣告，夥拍俄籍網絡紅人「俄仔」Artem Ansheles合作。拍攝當日，撞正攝氏34度酷熱天氣，阿佘跟Ansheles在戶外場景同陽光玩足一日遊戲，期間他們要拍攝自拍靚相的鏡頭，阿佘更要為Ansheles塗眼霜；不過這個溫馨鏡頭背後，單是試位也試了不少次，只見阿佘似乎不太熟手，幸好最後有驚無險，沒「篤」親Ansheles雙眼。

阿佘笑言：「平日自己搽cream就多，幫人搽真係未試過，唔係好就手，所以都要小心啲，始終女仔指甲好尖。」今次廣告客戶找來年輕的Ansheles配搭阿佘，問到現實中她又可會接受「姊弟CP」，她坦言：「感情世界相信年紀唔會係最大問題，不過個人比較鍾情成熟穩重，令我好欣賞嘅人。」

講到最近在社交網不時展示fit爆身形，「佘腰」非常吸睛，阿佘表示：「稍後演出角色需要，所以趁有時間就努力努力，但做運動後發覺整個人精神狀態都好咗，自己都希望keep住。」