小儀笑Edan腹肌似溶化朱古力

（星島日報報道）自稱是Edan（呂爵安）正印的小儀很高興能在節目《水著考有Feel》跟他再合作，她知Edan即將騷肌拍新劇，趁機摸他的腹肌，笑言似溶了的朱古力，但相信六嚿腹肌很快成形。Edan自知不夠Alton和Stanley（邱士縉）大隻，又不及魏浚笙靚仔，唯有新鮮感取勝，指今次會有意外驚喜。Edan重提不和傳聞：「當初看到報道都覺得幾搞笑，男仔有時玩得仲癲。（有幾癲？）幾癲就唔講得。（為甚麼會流出片段？）似是工作的地方有職員拍低，但如果唔咁做就唔會有呢件事，日後會注意不要玩得太忘形。」

此外，姜濤在社交網上載「欺凌」Edan的短片，片中突然嘴Edan面珠，Edan留言：「嚇死人咩！」姜濤另一條網片則跟Ian（陳卓賢）玩「酒店開房」，他先扮怕醜妹，等Ian換衫走時就扮傷心哭。