馮皓揚演「神奇小子」曾迷惘 胡子彤套膠袋跑步自嘲玩命

(星島日報報道)由吳君如監製及主演，尹志文執導的電影《媽媽的神奇小子》，以根據殘奧田徑賽金牌得主蘇樺偉的真人真事改編。早前三位年輕演員胡子彤、馮皓揚及鍾雪瑩齊受訪，大談拍攝趣事。

飾演少年版蘇樺偉的馮皓揚，雖然年紀輕輕又零演出經驗，但今次演繹患有痙攣的蘇樺偉，無論說話方式或肢體動作，以及內心感情戲均令人印象深刻。馮皓揚坦言對自己的演技方面好擔心，亦不清楚自己的演繹方式究竟好不好，所以會感到迷惘，但不會在片場特別跟其他人溝通，因為想做好角色。為了演活蘇樺偉的肢體動作，馮皓揚直言返學或補習之前都會對鏡練習，還會睇返蘇樺偉奪得金牌後的訪問作為參考，他說：「我盡量搵返佢年紀細個啲嘅訪問，因為始終我同少年版有段差距，導演都想我哋之間有啲變化，所以我得閒會拍自己個樣，研究如何調節細微位。」

至於戲中有「火車東」外號的胡子彤，傳聞可以「跑得快過火車」，同樣身有殘疾的他亦是田徑隊成員之一。戲中的胡子彤有一幕要頭上套住膠袋跑步，他形容似玩命一樣：「套住個膠袋其實完全睇唔到嘢，拍咗一次後，同導演講可唔可以響膠袋篤個窿仔，畀我望一望路，其實起步跑係睇到，但跑跑下就走晒位，真係跑到唞唔到氣！不過都同導演講會盡力跑，真係斷氣先搣走個膠袋，最後我都跑了100米。」

而飾演張繼聰妹妹的鍾雪瑩，為了駕馭今次肥妹角色，用了三個星期時間瘋狂吃，由原本50公斤增加到64公斤，她說：「開始時我在另一劇組開工，每日飲7杯快餐店的奶昔，臨睡前仲會食兩枝甜筒，維持足足個幾星期後身體有點頂唔順、發燒，之後採取另一方法，就是每日食好大包的馬仔。」