屋苑預約睇樓量升約2%

（星島日報報道）二手交投持續，而且缺乏新盤搶佔市場焦點，不少買家加快入市決定，周末四出覓盤，帶動周末整體屋苑預約睇樓量、按周上升約2%，並連升4周，其中以上車屋苑表現較突出。

市場氣氛持續向好，周末預約睇樓量亦然，在月初經歷輕微下跌後連升4周。近日期缺乏大型新盤開售，亦有助把市場焦點聚回二手市場，市民入市意欲保持高水平，促使本周睇樓量續升。在15大屋苑中，其中8個錄得2.6%至10%不等的升幅，另外7個屋苑的睇樓量就持平，並未有屋苑的睇樓量下跌。

以地區劃分，本周港九新界均有屋苑的預約睇樓量錄明顯升幅。位於天水圍的嘉湖山莊，睇樓量由上周的150宗上升至本周的160宗，錄得10宗或6.7%的升幅。粉嶺牽晴間和將軍澳的新都城亦分別錄得6.6%和4.2%的升幅，帶動新界區整體睇樓量。而在港島區就以鴨脷洲海怡半島升幅較為顯著，由上周的50宗上升10%至本周的55宗，睇樓量保持活躍。九龍區方面，荔枝角美孚新邨的預約睇樓量同樣錄10%的升幅，由上周的50宗升至本周的55宗。

中原亞太區副主席兼住宅部總裁陳永傑表示，本月十大屋苑呈價升量跌，樓價指數亦於高位爭持，買家需時消化樓價升幅，以至買賣雙方陷入拉鋸局面。惟買家依然對後市具信心，周末預約睇樓量持續上升。相信整固過後8月成交量將會回升。

美聯住宅部行政總裁布少明表示，股票市場反覆，但由於市場資金充裕，故樓市氣氛保持不俗，買家入市意欲強勁，資金買樓保值，預期後市需求仍然殷切。由於本周末未有全新大型新盤推售，故焦點重投二手，預約睇樓活動亦錄得升幅。

利嘉閣研究部主管陳海潮表示，儘管股市近日非常波動，但樓市整體氣氛仍然暢旺，預期本港利率維持低企，樓價將上衝破頂，周末預約睇樓客量續向好。

祥益執行董事盤嘉茵表示，新界西北預約睇樓量並未受股市波動影響，本周上車客預約較突出，主力在新界西搶睇400萬至600萬單位。同時換樓客睇樓量亦有所增長。