周家怡獲楊受成認證「英皇一姐」
2021-07-29 00:00(星島日報報道)鄭伊健、周家怡、錢嘉樂、鍾雪瑩及李靖筠等出席英皇電影《深宵閃避球》開鏡儀式，英皇集團主席楊受成博士亦現身支持。上周五（23日）是周家怡的42歲生日，一眾演員送上蛋糕為她補祝生日，最搞笑是當要求家怡拍照時，楊受成笑謂：「係啦！佢係一姐好耐啦！」
鄭伊健和錢嘉樂自從電影《黃金兄弟》後，今次再度合作，兩人在戲中扮演閃避球教練。鄭伊健笑言是在遊戲機上認識閃避球，不過拍攝前與錢嘉樂跟教練學習閃避球，因為演繹教練角色要懂得玩先識得教人，他說：「其實講人生遇到事情，去選擇閃避？但真諦就唔應該閃避！呢部戲幾得意，係講述上一代跟下一代溝通唔到，我覺得暫時跟一班年輕演員能夠溝通，但以往『萬歲』叫蛋撻、凍檸茶，o依家係要叫蜜糖、芝士蛋糕、雞翼同珍珠奶茶畀佢哋。」
錢嘉樂則謂跟年輕人有代溝並非死症，以前他們都會笑上一代，一班年輕演員拍攝初時都會當他們是前輩、會覺得驚，當熟落之後會打他的肚腩。
至於生日願望，周家怡表示要吸收多點青春。談到可有想過人生大事？她鬼馬表示：「殮葬呀？話無人追求又好似好削，不過o依家無拍拖，朋友無話介紹男仔，但到o依家年紀有冇都無乜所謂。」對於被老闆楊受成指她為英皇一姐，家怡笑言會嚇親人，但老闆很好又玩得，亦不會給予壓力。談到伊健和錢嘉樂自爆跟一班年輕演員有代溝，家怡笑謂自己沒有代溝，反而跟一班年輕女演員有偈傾，更爆她們會唱伊健的歌，搞到伊健好尷尬。
此外，李靖筠踢爆周家怡在化妝間會播放MIRROR的歌曲，家怡則笑謂香港好耐冇這種氣氛，又認為現在年輕人幾勁。問到跟伊健合作可會緊張？李靖筠說：「唔驚！好開心，望佢一望都覺得賺。」
關鍵字
最新回應