陳嘉寶三年抱三 懷胎五月 講明封肚

(星島日報報道)陳嘉寶（Anjaylia）已是兩位寶貝女兒的母親，二女Eliana只得十個月大，但她昨日再度公布懷上第三胎的喜訊，她上載肚凸凸相片並寫下長文，宣布已懷孕5個月，自2017年與初戀男友老公黃頌祈（Epaphras）拉埋天窗，短短4年多便已榮升幸福五口之家。

昨日Anjaylia在社交網發文分享喜訊，寫道：「小時候的我，總是覺得自己會遲婚、晚生育。沒想到，二十二歲遇到了那個他，五年後步入教堂，不到兩三年，就擁抱了兩個小生命。更沒想到，才剛剛三十有一，肚子休息沒有多久，便又被新生命扎根進駐了……小時候幻想中，跟自己說好了的『32歲結婚，35歲生第一個孩子』那個計畫案呢？煙消雲散了……感謝大家陪着我成長。」好消息一出，一班好姊妹「SIXTERS」的成員蔡思貝、陳瀅、賴慰玲與吳嘉熙，以及謝安琪、陳凱琳與龔嘉欣都留言恭賀。

Anjaylia與老公同樣出生於大家庭，二人早有共識，只是未想過來得如此之快，為保持神秘，她暫未透露BB性別，只表示今次懷孕比之前累，幸有老公在身邊支持照顧，大讚對方是滿分老公及爸爸：「佢真係好照顧我，分擔好多工作，我哋都好chill㗎，唔想有太大壓力。（第三胎後會封肚嗎？）三個小朋友家庭已經好大，要對佢哋公平，好好照料同教育佢哋，對我哋都要公平，我同先生都有自己嘅夢想同事業，要一路行落去，未必有心力再應付小生命，個肚點都要封住先嘞。」

Anjaylia年初轉投古天樂新公司旗下，已決定產後重投工作，為小孩們樹立好榜樣，她說：「加入咗新公司後畀咗好好嘅方向我，呢段時間拍咗ViuTV一套劇，年尾就會出街，希望觀眾記得我依然係演戲嘅。滿月後我就可以出返嚟，依然會繼續分配好工作同照顧好屋企嘅時間，幕前工作比其他全職媽媽更彈性，作為媽咪要做好榜樣，話畀佢哋聽女仔都可以好獨立，有自己能力同事業，追尋自己夢想係非常重要。」