193自嘲垃圾 幫唔到胞妹入圍《造星IV》
2021-07-24 00:00（星島日報報道）ERROR透露每日會輪流參與奧運節目，193爆肥仔因要拍MV而要兄弟頂足4日廠期，笑他走紅後變囂張；保錡即笑說：「我幫到你呀！我係香港攝時間之王！」肥仔解釋因要跟姜濤拍攝合唱歌MV，更保證是香港近年未出現過的曲風；阿Dee即笑問：「教堂嗰啲？」193續問：「《愛是不保留》嗰啲呀？」眾人即席合唱《主能夠》，笑爆全場！
談到妹妹郭嘉盈參選《全民造星IV》，193自爆有叫花姐造馬讓妹妹入圍，但估計妹妹不入圍。他說：「阿妹事前有告訴我，我叫她唔好搞咁多嘢，阿妹辭了Big4的工作來參賽，可能唔知阿哥垃圾，做193阿妹冇用，要做魯庭暉（高層）個妹先有用，哈哈！不過已有大品牌搵阿妹拍廣告，希望之後搵埋我！」肥仔爆193曾叫自己教阿妹跳舞，但他認為應由「形體大師」193親自教授。笑問193會否教阿妹重現經典表演《大懶堂》或斷手？他笑說：「斷手就唔好！要使十幾萬㗎！」
阿Dee同樣認為女友文芊澄不入圍，皆因今年競爭激烈，笑說：「想叫花姐開隊『湊人數練習生』，起碼家屬都有謝禮！」193即謂若兩個家屬都不入99強，阿Dee便辭職。保錡指肥仔有份為《造星IV》「選妃」，但只是「有位就坐」幫忙教跳舞，沒生殺大權！
關鍵字
最新回應